الصفحة الرئيسية › أخبار وطنية

أخبار وطنية حين يتحول المرض الى مصدر ريبة: لينا بن مهني تروي كيف تعامل معها أحد أعوان الحرس

روت الناشطة الحقوقية لينا بن مهني كيف تعامل معها أحد أعوان الحرس بعد أن أمرها بوقف سيارتها قائلة:

"وتتواصل مهزلة شؤون المنزل على بطاقة التعريف :
عالصباح يوقّفني عون حرس نمدلو أوراق الكرهبة كاملين أمورهم واضحة و معاهم رخصة السياقة و بطاقة التعريف . يثبّت في كلّ شي و حتى لهنا الامور لباس أمّا السيّد كي شاف بطاقة التعريف دارلي قالي ياخي "البرمي" مريقل ؟

هذاكة كلّ و رخصة السياقة بين ايديه و صلاحيتها مازالت و امورها واضحة . قالّي هاني باش نعمل تليفون نثبت قتلو ثبت أصلا أنا تحت حماية اقليم بن عروس و ما عندي حتى مشكل في انك تثبت .
عمل هكة سيب التليفون قالي شبيك ملّي وقّفتك ترعش قتلو راني مريضة ( الناس اللي تعرفني من قريب الكلّ تعرف اللي انا نضرب في 30 حربوشة في النهار و اللي انا ديما نرعش و حتى كي نخرج في التلفزة مالتعاليق اللي تجيني ديما شبيك تتنفس بالقوي و سبيك ترعش مرض يا الدين الزح مرض ) و مديتلو بطاقة اعاقة زدت اكدتلو اللي انا مريضة . 
عمل هكة : شنوة مخبية في الكرهبة , باش نفركس الكرهبة ...
و نخليكم تتصوّرو الباقي وحدكم".